Saturday, September 30, 2006

Хэвлэгдэх гэж байгаа ном

Кино ярья гэдэг шиг Монголд удахгүй хэвлэгдэн гарах гэж байгаа номын тухай уншигч танд дуулгая.

ЭМОС клуб (http://www.emongol.net/emos/) –ээс Инамори Казүо (Японд төдийгүй дэлхийд нэртэй Киосэра группыг үндэслэн байгуулсан хүн) - гийн “Амжилтад хүрэх гал эрмэлзэл PASSION” номыг монгол хэлнээ орчуулан энэ 10 сард хэвлэн гаргах гэж байна. Тус клубын гишүүн арван залуу гар нийлэн орчуулсан уг бүтээл удахгүй Монгол уншигчдынхаа гарт очих нь. Энэ арвын нэг нь үүнийг бичигч би вээр тул блогоороо дамжуулан удахгүй гарах гэж буй номоо сурталчилж буй ухаантай гэх үү дээ.
Англи хэлний “Passion” гэдэг үг нь Profit /Ашиг/, Ambition /Амбиц/, Sincerity /Үнэнч зан/, Strength /Жинхэнэ хүч/, Innovation/Инноваци/ Optimisim /Өөдрөг үзэл/, Never Give Up /Хэзээ ч бууж өгөхгүй/ гэсэн үгийн эхний үсгүүдийг илэрхийлж байгаа юм. Хүн ажил амьдралдаа энэ долоон зарчмыг баримтлан явбал мөрөөдлөө биелүүлж, утга төгөлдөр амьдарч болохыг уг номонд тодорхой дурджээ. Түүний дээр, өнөөгийн Монголд үгүйлэгдээд буй зөв үзэл хандлага, ёс суртахуунлаг байдал, гал эрмэлзэл, хамгийн гол нь хүний хувьд ноён нуруутай байхын чухлыг энэ ном сануулж байгаа юм.
Бид дээрх Passion хэмээх түлхүүр үгийг “Гал эрмэлзэл” гэж монголчилсон юм. Гал цог, бадрангуй байдал, эрч хүч, зарим тохиолдолд шунал тачаал гэсэн утгыг агуулсан энэ үгийг Оросын түүхч Гумилев түүхийг үзэх философийнхоо үндсэн ойлголт болгосон байдаг. Гумилев Монголын тал нутагт хүчирхэг гүрэн байгуулагдсан нууцыг “Пассионарность” хэмээх ухагдахуун ашиглан тайлбарлах гэж оролдсоныг энд дурдалтай. Өөрөөр хэлбэл, 13 дугаар зууны Монголд “Пассионарность” хуримтлагдан зангирч, цээжинд нь гал цог, гал эрмэлзэл шатсан талын баатар эрс[1] олноор төрөн гарсантай холбоотой гэж энэ судлаач бичсэн байдаг. Тэгэхээр гал эрмэлзэл буюу пассион хэмээх үг нь манайханд хэдийнээ танил болсон үг болж таарлаа. Бидний өвөг дээдэс хэдэн зууны тэртээ чухамхүү энэ гал эрмэлзлийн эзэд байж их гүрэн байгуулжээ. "Нүдэндээ галтай, нүүрэндээ цогтой хөвүүн" гэж зүгээр ч нэг зүйрлээгүй нь лавтай.
Уг номын хавтасны дизайныг эдүгээ яг хэлэлцэж буй бөгөөд уншигч та Тулгатын блог http://togi3togi.blogspot.com/ -т товшин ороод таалагдсан загвараа сонгон саналаа өгөх боломжтой байгааг дуулгая. “Амжилтад хүрэх гал эрмэлзэл PASSION”-ыг та ер нь гарын дор байнга байлгаж, зөвлөгч нөхрөө болгоорой гэж хүсье.
Номын буян арвижих болтугай.
[1] Пассионтой хүмүүс буюу тухайн үеийн монгол орчуулгад “Урт дурын хүмүүс” гэж оноосон байдаг санагдана

6 comments:

Хєлгєн. Б said...

nuhduud baga ch gesen oyuunii hurungu oruulalt hiigeed "sain baina" gehed bagadah baih l daa gehdee l sain baina ...
Tsaashid ulam ihiig hiihiig husiye.!

Naranbayar said...

Hulgund,
Bayarlalaa. Oirdoo sonin saikhan yu baina. Tugsuh geed l zavgui bui biz ee. Bi ch gesen.

Хєлгєн. Б said...

gaigui ee, oird neg case deer l suuj baigaa sanaatai. uchigdruus l blog ene ter unshij baih shiv... ta hed ch bujignuulj baih shiv, hehe

Anonymous said...

Ta nar nom orchuulakh bol bi oroltsoj bolokh uu?Bi end akhlakh surguuld surdag.Bas sain duriin niigemlegt orj ajild suraltsmaar baina.Ta nariin bloguudiig bugdiig uzej sonirkhood ooriigoo ikh hotsorch yavaag oilgolloo.Minii hayag:s_obilig2005@yahoo.com bolno.
Bayarlalaa.

Naranbayar said...

Uuriin chini neriig Bilig gedeg baikh tiim uu. Chinii mail hayag uruu hariu ilgeesen baigaa.

Г.Ганбат said...

ЭМОС клубын эрхэм нөхдөд баярлалаа. Цаашдын ажилд тань амжилт хүсье. Ирж яваа шинэ үе маань та бүхний тус дэм, жишээ үлгэрээр улам хурдтай урагшлах байх гэж найдаж байна.