Tuesday, April 10, 2007

Кастын нийгэм Монголд

Намайг бага байхад Эртний дэлхий дахины түүхийн хичээл дээр Энэтхэгийн
боолын нийгмийн тухай зааж байсан юм. Энэтхэгт Каста нэртэй нийгмийн гарал үүслээр нь хүнийг ялгаварлан гадуурхах систем байдаг. Брахман гэдэг хамгийн агуу бурхны тэргүүн, энгэр, мутар, өлмий зэргээс энэтхэгчүүд мэндэлсэн ба тэргүүнээс нь сурвалжтангууд, энгэрээс дундчууд, өлмийнөөс нь боолууд гарсан.Тиймээс сурвалжтан нь үеийн үед сурвалжтан, боол нь үе дамжин боол байдаг нийгэм. Каста нь маш нарийн олон давхаргад хуваагдсан байдаг энэ тэр гээд заалгаж байсан юм.

Монголчуудыг нүүдэлчин гаралтай, хүмүүс хоорондын харилцаа зиндаа заах заншилгүй, догматик бус гэсэн ойлголт түгээмэл байдаг. Гэтэл УБ-т байгаа бодит амьдрал арай л өөр юм. Гар утас машингүй бол хүн биш. Бензин бага иддэг хямд машин унаж, төсөр үнэтэй гар утас барьсан бол дундчуудаас доогуурт тооцогддог. Гар утасны номер дотор бас олон зиндаа байнаа. 9911-тэй утас барьсан хүн бол босс, эсхүл боломжийн мөнгөтэй, жийп унасан бол унаатай хүнд тооцогдох жишээтэй.

Жийп унасан, жин нэмсэн, 9911-тэй утас барьсан шинэ үеийн монголчууд манай нийгмийн өнгө төрх болж байгаа бололтой. Кастын нийгэм бидний хаяанд байна.

Улаанбаатар 2007 оны 4 сарын 7

1 comment:

Номио said...

gar utas, mashinii ungu uzemj, une tseneer ooriin "zindaa"g todorhoilj bgaa bol (todorhoiluulj bish) THAT IS SAD!!

tehdee yur ni humuus minii gar utasnii ungu uzemj, mashinii uneer nadtai haritsana gevel harin ch butehgui he he. tedniig tegj handah bur bi 3310-aa barimaar, excel unamaar, uranhai jeans-ee ketteigee chirmeer sanagdaad buur geden hudluud bdiin.